Ka Meghalaya State Skills Development Society (MSSDS) Shillong ka dei ka tnat sorkar kaba ai jinghikai ia ki khynnah samla ha ki jait kam bapher bapher, khnang ba kin lah ban seng ia ki kam la jong bad ban ieng hala ki jong ki ktaj. Kane ka tnat ka pynioh jingiarap pisa ruh haduh T.5 lak sha kiba lah bha ban pyndep ia ki training jong ki.
Na ka liang jong u Deputy Commissioner, East Jaintia Hills District, Khliehriat ruh mynta ka sngi ula pyntip paidbah ba ka MSSDS ka khot training ia ki 120 ngut ki samla lyngba ka Sector Skill Council (SSCs) khnang ba kin lah ban sdang iala ka jong ka jaka ai jinghikai (Training Centre) lane ban kin ioh ban iadon bynta lang bad ki jaka training kiba don hapoh ka District.
Ka jingai training kan kynthup ia ka Fashion Designer, Cosmetologist, Mason Tiling, Doors and Windows Fixers, Construction Painter bad ka Decorator.
Baroh kiba ioh jinghikai yn pyniasoh ia ki bad ka MSSDS hapoh ka Skill Meghalaya. Kino kino ki 30 ngut kiba wan shakhmat ha ki jingai jinghikai kin ioh ia ka jingiarap pisa kaba shisien ai ha ka dor T.5,00,000/- (San lak) tyngka marwei ba kin ioh ban sdang ia ka kam jong ki.
Ia ka jingtip kaba bnia lah ban leit ha ka https://mssds.nic.in/. Kiba don jingmut ki lah ruh ban aplai online ha ka https://mssds.nic.in/m_startt.html ha lane shwa ka 5, August 2022.