Kum shi bynta na ka jingrakhe ia ka Rashtriya Ekta Diwas la pynlong ia ka Run for Unity ha East Jaintia Hills District da ka ophis jong ka District Sports Officer, East Jaintia ha ka jingiasnohkti lang bad ka ophis u Deputy Commissioner, East Jaintia Hills, Khliehriat.
Ia kane ka jingmareh la ailad ia baroh (open category) ban iashim bynta kynthei bad shynrang ha kaba la wan ban iashim bynta palat spah ngut ha ki rta bapher bapher.
Ia kane ka jingiamareh la kaweh lama da u A. Baranwal, IAS, DC Khliehriat kaba la sdang na ka ophis barim u DC bad kila mareh shaduh Rymbai PHC bad wan phai biang sha kane ka juh ka jaka.
La sam ruh ia ki khusnam sha ki nongjop da ka song pisa, da u DC bad ka DSO kong Stephanie M. Rapsang. Na ka liang ki shynrang la wan nyngkong da u Wandame Dkhar na ka shnong Jalyiah, wan ba-ar da u Kordor S Mannar na ka shnong Narwan bad wan ba-lai da u Iakhut Dkhar na ka shnong Cham Cham.
Na ka liang ki kynthei la wan ba nyngkong da ka Rosy Sana, ba-ar ka Lamsuk Phawa bad ba-lai ka Therisa Sana baroh kine ki lain gut ki dei na ka shnong Mukhaialong.