U Dr. Ricky Andrew J. Syngkon uba dei u kyrtong jong ka Voice of the People Party (VPP) kaba don ïa ka shap jong u (PRAH), ula jop suk da kaba tam lut ha baroh san (5) tylli ki Constituency kiba don hapoh ka West Jaiñtia Hills District, ha ka jingpynban ïa ka result MP jong ka 1-Shillong (ST) Parliamentary Constituency kaba la long mynta ka sngi 4 tarik u Jylliew, 2024 ha ophis u Deputy Commissioner ka WJHD.
Ki Hynriew (6) ngut ki kyrtong MP ki kynthup ïa u Dr. Ricky Andrew J. Syngkon na ka Voice of the People Party (VPP) uba la ïoh haduh 85,575 votes na WJHD, ka Dr. Mazel Ampareen Lyngdoh naka National Congress Party (NPP) kala ïoh 34,208 votes, u Vincent H. Pala naka Indian National Congress (INC) ula ïoh 23,348 votes, u Robertjune Kharjahrin na ka United Democratic Party (UDP) ula ïoh 3663 votes, u Prof. Lakhon Kma (Independence) ula ïoh 3518 votes, u Peter Shallam (Independence) 1264 votes, katba u NOTA 673 votes.
Haba phai na ka 1-Nartiang Constituency u Dr. Ricky na ka VPP ula ïoh votes haduh 19,346, wan ba ar ka NPP 10974 bud sa ka INC-3560, IND-770, IND-326, UDP-196 bad Nota 129. Haka 2-Jowai Constituency ka VPP kala ïoh vote 18,142, NPP-8563, INC-3599, IND-694, UDP-271, IND 203 bad Nota-175. Haka 3-Raliang Constituency ka VPP kala ioh 8390, NPP-5829, INC-2647, IND-731, IND-311, UDP-273 bad Nota-144.Haka 4 Mowkaiaw Constituency ka VPP kala ïoh 12,272, INC-7189, NPP-4412, UDP-760, IND-591, IND-202 bad Nota-94. Katba ha ka 7-Amlarem Constituency ka VPP kala ïoh 17,425, INC-6353, NPP-4430, UDP-2163, IND- 732, IND-222 bad Nota-131.
Hadien jong ka jingñiew vote ki paidbah nongkyrshan jong ka Voice of the People Party (VPP) ha Jowai kynthup ïa ki nongshongdie kila mih da ka jingkmen ban leit shad haki bynta jong ka surok Iawmusiang bad sha kiwei de ki dong kum ka dak jong ka jingjop donburom jong u kyrtong ka party (PRAH) u Dr. Syngkon.