U Prime Minister Narendra Modi ula long uba nyngkong eh napdeng ki nongialam pyrthei uba bun eh ki subscriber ha ka YouTube Channel kaba la kot shaduh 2 klur lane 20 million ngut ki subscriber ha ka YouTube Channel jong u kaba ai kyrteng ‘Narendra Modi’.
Kane ka YouTube Channel jong u Prime Minister mynta ka sngi kala kynjoh ia ka 20 million subscription kaba la wan rah ia ka nam kaba nyngkong eh ha ka pyrthei napdeng ki nongialam pyrthei kiba bun eh ia ki subscriber ha YouTube Channel.
U nongialam pyrthei uba wan ba ar ka jingbun ki subscriber u dei u President jong ka Brazil u Jair Bolsanora uba don 6.4 million ngut ki subscriber kaba long tang shilyngkhot haba ia nujor bad ka jingdon subscriber jong u Modi.
Uba wan ba lai u dei u President jong ka Ukraine u Volodymyr Zelenskyy uba don 1.1 million ngut ki subscriber, katba u ba wan ba saw pat u dei u President ka ri America u Joe Biden uba don 7,94,000 ngut ki subscriber.