Ka KSU mynta ka sngi ka 1 tarik Nailar ka la thang ia ka jubab ba kala ioh pdiang na ka MPSC halor ka Rukom thung kam.
Ka KSU haba iakren bad ki lad pathai khubor ka la pyntip ruh haba iadei bad ka Post Statistical Officer ka ba mih ha u 2019 tang na bynta kawei ka post ka result ba mih pat ha u 2024 ka mih haduh 2 tylli ka post kaba pyni ba ka don kaei kaei sha lyndet. Katba ka MPSC ka ong ba katkum ka Corrigendum ka don artylli ka post jong ka Statistical hynrei na ka liang ka KSU ka ong ba ka don kaei kaei re sha lyndet bad ki dei ki kam thok kam shukor suda.
Haba iadei bad ka kam MPS ka KSU ka la ong sha ka MPSC balei ki khot interview tang 29 ngut katkum ka Ratio dei ban khot kumba 42 ngut. Ka KSU kam ailad ia kane ka kam leh thok leh shukor jong ka MPSC.
Na ka liang ka KSU ka la ong ba ka jingleh jong ka MPSC ka dei tang ban ialam bakla ia u paidbah.
Haba khatduh ka KSU ka la tar bad thang syndon ia kane ka jubab ba ioh na ka MPSC bad ki la pyntip ba kim lah ban pdiang ia kane ka jubab bad ki la ong ba kin shong kyllian myngngor tad haduh ban da pynurlong ia ka jingdawa jong ki.
