Ki paidbah kiba pyrshah ïa ka Public Hearing ba ka khot pynlong da ka Meghalaya State Pollution Control Board na ka bynta ka jingthmu pynïar shuh shuh ïa katei ka kompany Meghalaya Cement Limited’s kaba la long ha Thangskai East Jaiñtia Hills District kila shah tem ha ki pulit da kaba pyndonkam da ki lathi, siat tear gas, kura bad kynjat ïa ki paidbah kynthup ïa ki kynthei.
Kane ka jingleh ki pulit ka la pyndom shisha ïa ki paidbah khamtam ïa ki dkhot sengbhalang namar kitei ki pulit kim map shuh haduh ba la pyndonkam da ka bor bad ktah kti ïa ki paidbah.
Kane ka jingshah shoh ki paidbah kala mih hadien ba kila dep ban pynpra ïa ka jaka ne ka dara ba thmu pynlong ïa ka jingpynsngew paidbah (Public Hearing), hynrei hadien kane la pynlong biang ïa ka jingïalang na ka liang ki nongpynïaid katei ka Company ha Hall jong ka Tom Cem.
Na ka liang ki paidbah ki la pyrshang ban rung sha katei ka jaka hynrei ka la mih noh ka jingsiat tear gas bad pyndonkam lathi bad ka jingkawang maw kaba la wanrah ïa ka jingmynsaw ïa ki paidbah kynthup ka jingmynsaw jong ki kynthei.
