Mynta ka sngi shi bynta ban pynpaw ia ka jingpyrshah jur halor ka jingkren laplah jong u Chief Minister ka Assam u Himanta Biswa Sharma da kaba ong ba ka shnong Mukroh ka hap ha ka jylla Assam, na ka liang jong ka seng EJNC da ka jingsngewkhia kaba jur halor kane ka mat, ka la pynlong da ka jingialang kaba shipor ha khmat ka office treikam jong u Deputy Commissioner, ka East Jaintia Hills District bad ha kajuh ka por lah thang ruh ia ka tyngshop jong u CM ka Assam.
Ia ka jingialang la pyniaid da i General Secretary sengkmie ka EJNC bah Nangjan Dkhar bad la ai jingkren da u President rangbah ka seng u bah Sambormi Lyngdoh.
Haba kren ha ka jingialang, ha shwa ban thang ia ka tyngshop, u bah Sambormi Lyngdoh u la pynpaw ka jingsngew bitar halor ka jigngwan kam pud u myntri rangbah ka Assam, uba la pynpaw ha khmat ka iing dorbar thaw-aiñ jong ka Assam ba ka shnong Mukroh ka dang hap hapoh u pud u sam jong ka Assam.
Ha kajuh ka por na ka liang ka seng EJNC ka kyntu ia ka sorkar MDA-2.0 bad khamtam ruh ia ki Myntri Sorkar na ri Lum Jaiñtia ba kin shimkhia lem ba iakren halor kane ka jingshah klun jurbor ia ka shnong Mukroh sha Assam.
