Ka Tnad Pulit jong ka Jylla ha ryngkat ka jingiadon lang u Myntri Rangbah u Conrad K. Sangma , U Symbud Myntri Rangbah Bah Prestone Tynsong , Sniawbhalang Dhar , Dr Ampareen Lyngdoh, MLA Sutnga – Saipung Santa Mary shylla, DC East Jaintia hills bad ki ophisar jong ka Tnad Pulit ka Jylla ha ka jingiadon ryngkat lang ki bor Pyniaid jong ka Star Cement Limited ha ka 23 tarik Kyllalyngkot 2025 ki la ioh ban thang noh ia u Droks ba shongdor kumba 56 klur hapoh ka company jong ka Star Cement ha lumshnong.
Haba kren ha kane ka sngi na ka liang U Myntri Rangbah Conrad K Sangma u la ong ka rukom trei kam kaba kyrpang ngi la bud ha kaba ngi la pynduh pyndam ia ka jingbun ki droks ka long kawei pat ka nuksa jong ka jingaiti jong ngi kum ka sorkar Jylla na ka bynta ka thma pyrshah ia u droks la shim ha ki sienjam ha ki por ba lah leit noh.
Shuh shuh u la ong sa shisien mynta ka sngi na ka liang ka sorkar Jylla ka la pynshisha ba ka long kaba shimkhia bha pyrshah ia u droks bad u ai khublei ia ka tnad Pulit kaba la shimkhia hapoh ka jingialam jong ka DGP bad kiwei ki heh Pulit kiba peit ia ka tnad kam Pulit bapher bapher naduh ki SP ki ANTF bad kiwei kiwei.kumba la kdew da u DC East Jaintia Hills ba u droks kumba 53 klur tam la ioh ban thang noh mynta ka sngi ba kynthup ia u 23.98 klur u Droks , 7.6 klur u Gaanja bad kumba 21.3 klur u crystal meth kynja jingdih pynbuaid bad kiwei kiwei.
Na ka liang u Bah Prestone Tynsong Symbud Myntri Rangbah u la ai khublei ia u Chief Minister Conrad K Sangma ,Ka DGP, ki Pulit bad ka sorkar ba mynta ka sngi ka la ioh ban thang noh kumba 53 klur hapoh Star Cement.
Shuh shuh u la ong ki paidbah kim dei ban sngewthuh bakla mar dep iohkem ia u droks hap ban leit ai sha court bad ynda la ioh ka jubab na ka Ïingbishar ban thang noh ia u droks na ka liang ka tnad Pulit kan sa thang noh ban pynduh pyndam noh ia une u jingdih pynbuaid.
Shuh shuh u la bynrap lah ioh ban plie ruh ia ka office NDPS ban pynduh jait ia u droks uba pynjot ia baroh naduh ki khynnah haduh ba tymmen.
Na ka liang ka sorkar kam shong kli kti bad ka kyntu ia baroh ban ia treilang naduh ki Seng kynthei , seng longkmie , ki Seng Samla ki Dorbar Shnong bad kiwei kiwei ban iatreilang ban rat dyngkhong ia une u jingdih pynbuaid uba la pynjot ia ka imlang ka sahlang.
Na ka liang ka DGP ka Kong idashisha Nongrang ka la ong ka tnad Pulit ka ioh ban thang noh ia u droks ba shongdur kumba 56 klur tam bad kane ka jingthang noh ia une u jingdih pynbuaid ka dei hadien ba la ioh jingbit na ka Ïingbishar ban pynduh pyndam noh ia une u droks bad kam dei kaba suk ia ka tnad Pulit mar sien ioh kurup hap ban thang noh hynrei hap iaid katkum ki ain bad na ka liang ka DGP ka kyntu ia ki bor sorkar ba nangnge shakhmat kin trei borbah ban rat dyngkhong ia une u droks.
