Hynnin ka janmiet jong ka 30/11/2022 ki lai tylli ki sengbhalang ka KSU, JSM bad ka FKJGP kila pynlong ïa ka jingthang mombati ban sngewlem halor ka jingshah siat ïap ki para doh para snam ha ki pulit Assam kaba la jia haka 22 tarik u Naiwieng ha ka shnong Mukroh.
Ha kane ka jingthang Mombati la pynlong ha Iooksi Kyanmynsar West Jaiñtia Hills ha ka jingdonlang bad ki Rangbah jong ka Shnong, hashwa kane la don ka jingïalang ba lyngkot bad kiba bun na ki nongkren kila dawa jur na ka sorkar jylla ba kan thung kam mardor ïa iwei iwei na ki 5 tylli ki longïing ba la duh noh ïa ka mynsien ba kordor ha ka jingsiat pathar ki Police Assam.
Na ka liang u samla Ribok Biam u ba dei uh President ka JSM (WR), ula bein ruh ïa ka jingkam jong u CEM jong KAAC ba ki nongshong Shnong Khasi Pnar ha ki Shnong khappud ba kynthup ïa ka Mukroh kidei ki nongshong Shnong ki ba shong beaiñ bad u la dawa na ka JHADC ba kadei ban sait mardor ïa ka KAAC lada ka JHADC kam nud ban sait lane Confront ïa ka jingkam ka KAAC ka pyni ba ka la dep die tad dor ïa ka jaka jong ka Bri Hynñiew Trep Hynñiew Skum, la ong utei u samla.
