Ka sorkar jylla kum shi bynta ban wanrah ia ka jingshakri bad ka jingiada kaba khambha ha ka liang ka shongsuk shongshngaiñ na ka bynta ki paidbah ka thaiñ Eastern West Khasi Hills District ka la thaw ia ka Police Station kaba thymmai ia kaba la tip kum ka Nongshillong Police Station.
Kane ka PS thymmai la ker sawdong da ka Nongstoin PS na ka liang shatei, ka Mairang PS na ka liang Mihngi, ka Mawkyrwat PS na ka liang Shathie bad ka Nongtoin PS biang na sha ka liang Sepngi.
Ka jingdon jong ka Nongshillong Police Station kan shim noh ia u pud jingtreikam ia kiba la ju hap mynshwa hapoh ka jingpeit ka Mairang Police Station.
Kane ka long katkum ka kyrwoh ba la pyllait da u Commissioner & Secretary to the Government of Meghalaya, Home (Police) Department.
