Ki nongshet jasngi ha ki skul bapher bapher hapoh ka jylla Meghalaya ha ka sngi Thohdieng kila ia kynduh lang ha nongbah Jowai na ka bynta ban thaw noh da ka Union Cook Cum Helpers, PM POSHAN Meghalaya (UCC- PM POSHAN, Meghalaya) ka ban peit ïa ka bha ka miat jong ki nongshet ja sngi hapoh ka jylla baroh kawei.
La ïathuh ba kane ka Committee kan treikam na ka bynta ban bud dien ïa ki jingkyrpad bala dep buh da ka All Jaiñtia MDM Workers Union, Jowai sha ka sorkar Meghalaya bad ha u Prime Minister Narendra Modi, ha kaba ïadei bad ka jingdawa ban pynbiang ïa ki LPG ha ki jaka shet jong ki skul, ka pisa bym pat dep siew da ka sorkar jylla, ban pynkiew ïa ka bai ai sngewbha (honorarium) na ka bhah jong ka sorkar India khamtam ïa ki jylla kiba don sha ka thaiñ mihsngi (North East).
Ki nongkitkam jong kane ka seng – UCC – PM POSHAN Meghalaya Shillong ki long President – kong Banalis Syiem (Ri Bhoi District), Vice President (i) Bah Jerry A Suting (Ri Jaiñtia) (ii) kong Jena Nengnong (East Khasi) (iii) kong Kyntinora Wahlang (Eastern West Khasi), General Secretary – bah Mangkara Kharjamuti (East Khasi), (i) Assistant General Secretary – bah Charles Shongwan (Ri Bhoi) (ii) kong Phiyoris Syngkon (Ri Jaiñtia) bad Treasurer – kong Joyce Lipon (Ri Jaiñtia).
