U Bah Pyniaid Sing Syiem Chief Executive Members ka Khasi Hills Autonomous District Council (KHADC) ha ka 3 tarik Rymphang u la wan thep kyrteng ialade ban ïakhun ia ka Elekshon MDC sha KHADC na Nongthymmai konstitwensi
Ia u Bah Pyniaidi Sing Syiem la wan ban synran lang da ki CEM jong ki Autonomous District Council ka thaiñ shatei lam mih ngi ba kynthup ïa u Deputy CEM ka Bodoland Territorial Council, u Gobinda Basumatary, u EM Ka Karvi Anglong Autonomous District Council (KAAC), u Avijit Kro, u Member ka Chakma District Council, Mizoram, u Lakhan Chakma.
Haba kren sha ki lad pathai khubor na ka liang u Bah Pyniaid u la ong ba ka 125th Constitutional Amendment ka long kaba donkam haduh katta namar kan pynkhlaiñ shuh shuh ïa ka khyrnit kaba hynriew bad lada lah ban wanrah ïa kane ka amendment kan wanrah ïa ka jingmyntoi na bynta ka jylla.
Shuh shuh u la ong haba iadei bad ka Article 371 u bah Pynïaid u la ong ba ki paidbah na Nagaland kiba la don lypa ïa ka article 371 ki kwah ban pyntreikam ïa ka khyrnit kaba hynriew tang hangta la sngewthuh kaei kaba biang.
