U Bah Fantin Joseph Lakadong MDC jong ka 17 – Laitumkhrah Malki ha ka 27 tarik Kyllalyngkot 2025 u la poi ha ISBT Mawïong ban thep kyrteng ialade na ka bynta ban aireng sha ka Elekshon MDC jong ka KHADC ka ban sa long ha 21 tarik Rymphang 2025.
U Bah Fantin Joseph Lakadong u dei u MDC jong ka Laitumkhrah Malki na ka Seng NPP bad mynta ka kynti ka dei ka sien kaba ar ba un mih iakhun biang sha ka Elekshon MDC KHADC.
Ia u Bah Fantin Joseph Lakadong la wan ban synran da ka lok jong u ka Dr. Mazel Ampareen Lyngdoh ryngkat ki bahaïing bahasem, ki nongkyrshan kiba la wan synran ia u Bah Fantin Joseph Lakadong .
Haba kren sha ki lad pathai khubor na ka liang u Bah Fantin Joseph Lakadong u la ong nga kyrmen skhem ban jop bad nga shaniah ha lade bad ha ki nongkyrshan kiba la pynjop ha ka Elekshon ba la dep bad mynta ka kynti ruh kin ai jingkyrshan ban pynjop biang sa shisien.
Shuh shuh u la ong ka jingpyndep ia ki kam u MDC ka la bun ki bill kiba la kylla aiñ ki la bun haba iadei bad ki khyndew , ki shyiap , bad kiwei kiwei ngi la treilang bad ka sorkar bad u lat ka Jylla bad ka thong ka dei ban ithuh ia ka ktien Khasi ha ka Primary Education bad kiwei kiwei ki mat ki dang bun ban trei na ka bynta ka District Council.