Ki MDC kiba dang shu jop thymmai sha ka JHADC ha la ki jong ki jong ki Party mynta hadien ba kila dep ban bam smai kin sdang noh ia ka jingthaw ia ka EC bad ban jied ruh ia ki nongialam ki ban king ia ka lieng.
La ioh jingtip ba ha kane ka kynti ia ka shuki Chairman la thep kyrteng da ki ar ngut ki kyrtong kata u ma Sankey Shangpung na ka Party NPP bad u ma Rikut Parein na ka Congress.
Katba ia ka shuki Chief Executive Member (CEM) jong ka Council la thep kyrteng da u ma Thombor Shiwat na ka NPP uba dei ruh u CEM jong ka samoi ba la dep bad u ma Madonbai Rymbai na ka Congress uba la ju bat teng ia katei ka shuki.
La ioh jingtip ruh ba na ka liang jong u ma Awhai Andrew Shullai na ka seng VPP un long u nongïalam jong ka liang pyrshah hapoh ka Council.