Ka Jaiñtia Students’ Union (JSU) ha ryngkat ki nongshong shnong ka ri Lum Jaiñtia Hill ha ka kyrwoh ba la pyllait mynta ka sngi, kila pynpaw ka jingthrang bad ka jingkhmih lynti ban ïoh ïa ka kam Chairman jong ka tnad MPSC da ki briew kiba napoh ka Ri-Lum Jaiñtia Hills.
Ïa kane ka JSU kala sngewdonkam bha ban pynthymmai ïaka rukom thung Chairman hapoh ka MPSC, namar kumba long mynta ka thaiñ Jaiñtia Hills ka la lah ban noh synniang shibun ha ka jingnang jingstad bad ka jingpynmih jong ki riew shemphang hapoh ka jylla.
Na ka liang ka JSU kala pynpaw ba kumba long ha kine ki por ba la dep ïa kane ka kam Chairman la ju bat da ki briew kiba dei napoh ka ri Lum Khasi Hills bad Garo Hills.
Kumba long haduh mynta la don haduh ar sien (terms) kiba bat ïa kane ka kyrdan napoh Garo Hills bad shisien na Khasi Hills. Kumta ka seng ka kyrmen skhem ba ka sorkar Jylla ha kane ka kynti ban wan ïa ka kam Chairman jong ka MPSC ka dei ban jied noh ïa u ne ka briew napoh Ri-Lum Jaiñtia Hills kumba la thrang bad khmih lynti da ki nongshong shnong ka thaiñ hi baroh kawei.