Ka KSU Wapung Unit ka don ka jingthrang ban ioh i ba ka kam ialehkai sport khamtam ka jingialehkai phutbol hapoh ka shnong Wapung kan long kaba kiew shaphrang.
Kumta shi bynta ban kyntiew ia kane ka kam sport hapoh ka shnong ka thaw ha kane ka 7 tarik mynta u bnai ka seng ka la ai sngewbha da ki Football Net ia kawei ka football Club ba tip kyrteng kum ka MSCSO kaba don ha ka shnong Wapung hi.
Ia kine ki Football Net la aiti da u Sport Secretary ka KSU Wapung Unit u Senmon Siangshai sha u General Secretary ka MSCSO u Julywanmi Siangshai ha ka jingiadonlang u ma Happy Rymbai ryngkat katto katne ki dkhot jong ka seng bad ka Club. Kane ka long katkum ka khubor ba la phah da u Publicity Secretary u Shibait Rymbai.