Jowai: Ka Bhavinaben Patel ka nongialehkai Para Table Tennis ha ka Paralympics ka ba pynlong ha nongbah Tokyo kala ioh ban khur ia ka takma Rupa na ka bynta ka ri India bad kane ka thei ialehkai ka thrang eh ban ioh ia kynduh markhmat ia u Sachin Tendulkar uba dei u rangialehkai Criket ba ka sngewtynnad eh, khnang ba kan ioh ban pyni ha u ia kane ka takam ba ka la ioh khur.
Ka Bhavinaben Patel ka dei ka nongialehkai kaba nyngkong eh jong ka India ka ba la ioh khur takma ha kane ka Tokyo Paralympic 2020. Ka Patel kaba dei ka World Rank No.12 kala poi sha ka jingiakhun Final pyrshah ia ka World Rank No.1 ka Zhou Ying jong ka China, ha kaba kala shah pynrem noh ha ka Ying hapdeng ka jingialeh kaba 19 minit.
Kane ka jingialehkai mynta ka dang iaid shakhmat bad kan kut ha ka 5 tarik jong u bnai ban wan (September) 2021. Kumban shu pynkynmaw ba ka jingialehkai kala sdang naduh ka 24 tarik mynta u bnai, ha kaba ka ri India kala phah ia ki nongialehkai haduh 54 ngut na kine 40 ngut ki dei ki shynrang bad 14 ngut ki dei ki kynthei.