Ka seng Khynroo Khyllood Committee (KKC) jong ka Seiñraij Jowai mynta ka sngi kala pynlong ia ka prokram ai jingpynshai ia ki khynnah skul halor ka phang “Beat Plastic Pollution with Special reference the Impact of Jowai Town” bad kala pynlong ruh ka jingthung dieng hapoh ka khlaw kyntang kaba la tip ka Khloo Langdoh ba don ha nongbah Jowai.
Ha kane ka sngi kila don ki riew shemphang kiba la wan ban ai ka jingpynsngewthuh sha ki khynnah skul kiba kynthup ia ka Kong Nilamroi Passah, Senior Secretary Martin Luther Christian University Shillong.
Ia kane ka prokram la iatreilang hapdeng ka Khynroo Khyllood Committee, Seiñraij Jwai bad ka YessMeghalaya hapoh ka jingpyniaid jong u Rangbahmi Kynjin, Chairman ka KKC Seiñraij.
Kiba ai jingkren ha kane ka sngi ki kynthup ia u ma O.R. Challam, President Seiñraij Jowai, u ma Arwotki Sumer, General Secretary Seiñraij Jowai, bad la ioh ia ki kyntien sngewnguh na u ma Sienmi Lato, Secretary KKC Seiñraij.
Ki khynnah skul kiba la wan ban iashim bynta ki kynthup ia ka Chilliangraij SSA UPS, Chilliangraij Govt. LPS, Loompyrdi Iongpiah UPS SSA, Dulong Govt. LPS, Pohmusiang UPS SSA, Government Girls Hr. Secondary School, Jowai bad ka Panaliar UPS SSA, ha ryngkat ki rangbah jong ka Seiñraij Jowai.
