Mynta ka sngi ka seng ki nongniah kali kamai hapoh ka lama jong ka Sohmynting Tourist Taxi Association hapoh ka jingïalam u President ka seng u ma Damehipaya Kyndait ha ka jingdonlang u ma Khroo Lamsalanki Pariat, Jerry Anderson Suting bad ki dkhot jong ka seng ki la pynlong ia ka jingthung dieng ha shnong Sohmynting, West Jaiñtia Hills District.
Ha ka jingkren jong u President ka seng u la ong ba ka mih shakhmat ban thung bad sumar ia ki dieng ki siej na ka bynta ka lawei jong ka mei mariang kaba long kum ka matpdeng ba ka seng ka la buh thong na ka bynta une u snem “Rooting for a Green Tommorow”, kum shi bynta ban wanrah ia ka jingkhuid jong ka lyer.
Na ka liang ka seng ka ai khublei kyrpang ia u ma E.M.H Passah u ba la ai sngewbha da kitei ki symbai dieng nemo sha ka seng.
