Ka Rotary Club Jowai ryngkat ka jingtreilang ka Dorbar Shnong Khliehtyrshih ki la pynlong ia ka jingthung haduh 300 tylli ki tynrai dieng soh ha ki lai tylli ki skul ba don ha shnong Khliehtyrshi mynta ka sngi.
Ia kane ka prokram thung dieng soh la pynioh jingiarap da ka Mahindra Finnace, kaba la tip kum ka Project Hariyali.
Mynta ka sngi la thung ia ki tynrai diengsoh bapher bapher ha phyllaw ka Lumpohsiej LP School, Khliehtyrshi, Lumpyrdi SSA School Khliehtyrshi bad ha Lumstoin LP School Khliehtyrshi kaba la iashim bynta da ki dkhot ka RC Jowai ki khynnah skul bad ki nonghikai.
Hadien ba la dep ban thung diengsoh, la pynlong ia ka jingialang kaba lyngkot kaba la pyniaid da u President ka RC Jowai u ma Samehi Laloo.
Kiba la ai jingkren ha kane ka sngi ki kynthup ia u Vivek Kumar uba long u Environment Scienctist North Eastern Hill University, kong E.F. Gatphoh (MPHF) Charter President Rotary Club Jowai, ma S. K. Lato (MPHF) Director Community Service Rotary Club Jowai, Dr. Vincent Darlong Retired Vice Chancellor Martin Luther University, ma Kitbok Rymbai Waheh Shonng Khliehtyrshi bad kiwei.