Ki MDC ka Seng VPP na Jaiñtia Hills District mynta ka sngi ka 15 tarik u bnai Jymmang 2025 ki la wan ban hiar sha ka shnong Khanduli ban jurip ia u Surok uba don ha khappud Assam bad Meghalaya.
Kane ka jingjurip ka long ba hadien ki nong shong shnong ki la ujor ba ia u Surok uba kut haduh ka Zero point katta ka jaka kaba don ha kawei ka iew kaba tip kum ka Umpawiang ïa une u Surok uba kut haduh ka zero point ka Assam kumba 2 kilometre na une u zero point ka la kyntur shaduh u pud ka jylla Meghalaya bad ka la shna ia u Surok.
Na ka liang u MDC ka VPP u Bah Nehemiah Lamare u la buh ia ka jingkylli sha ka sorkar ba hato ka Sorkar kam tip ia kane ka jingkyntur pud jong ka Assam katta 2 km na u zero point ha kaba ka Assam ka shna ia u Surok tang ha kane ka jaka ha ki por mynshwa.