Hynne ka step ka jingtwa khyndew kaba rah lang ryngkat ka ktieh bad ki maw ka la long kaba jur bha, ha ka Tunnel hajan ka shnong Sunapyrdi, East Jaintia Hills District. Ha kane ka jinghap khyndew katto katne ki kali ki la shah rong ha ka jingbtuid jong ka ktieh, kaba la wan rah ruh ka jingsah kut kali ha kane ka lynti bah National Highway-6.
Ha ka jingiadei bad kane ka jingtwa khyndew ha katei ka jaka na ka liang ki bor District ryngkat ki Pulit ryngkat ki nongtrei ka NHAI ki la bteng ban pynlait ne weng ia ka khyndew bad ki maw na ka bynta ban pynlait ia ka jingsah kut ha utei u surok bah.
