Na ka daw jong ka jinghap u slap kala pynlong ia ka kyndew ban shong synjor ha ki bynta jong u surokbah NH-6 ha ka shnong Dona Skur, East Jaintia Hills District bad kala pynlong ia ka jingtwa kyndew na ki bynta ba na sharinglum bad wan tap ia u surokbah naduh ka por 5:00 mynta ka janmiet.
Ha kane ka jingjia kala don ka jingsahkut jong ka leit ka wan ha kaba ki kali kila hap ban sangeh bad iengsah hapdeng surok, khlem da lah ban iaid sharum ne shaneng ruh.
Haduh ba thoh ia ka khubor (7:30 pm) na ka liang ki bor ba dei ban khmih ia ka surok kim pat lah satia ban phah trei ia ki JCB jong ki, namar ba ka khyndew ka dang shong synjor bad ka jingtuid khyndew ka dang iai bteng. Kumta ki nongpyniaid ki dang iai ap shwa haduh ba kan da long shngaiñ te kin sa trei ia ka kam.
Na ka liang jong ki bor pyniaid District kynthup ia ki Pulit jong ka East Jaintia ruh kila shimkhia ia kane ka jingjia bad kila kyntu ia ki nongleit nongwan ban don ka jingiatreilang bad ki bor pyniaid kali.
