Kawei ka kali Maruti Van kaba don ia u Regn Number ML04-A8136 kaba la ñiah da u Banrilang Ryndong, na ka shnong Moodymmai kala shah tynrah markhmat ha kawei ka Trok ka bym pat lah ban tipr namar ba ka la phet krad mar dep tynrah.
Katkum ka jingiathuh jong ki briew ki iohi ia kane ka jingjia kila iathuh ba katei ka Trok kaba iaid wrong side kaba wan na liang liang Mukhla ka la tynrah markhmat ia katei ka kali Maruti Van kaba thmu leit sha Mukhla. Kane ka jingjia kala jia ha ka por 3:40 PM ei ei, hajan ka Petrol Pump Indian Oil, Mukhla, shwa ban poi jingkieng Tluhmulong.
Kane ka Maruti Van kadei kaba long trai da u ma W. Pariat, kaba kit ia ki syndukkot ba la wanrah na Moodymmai ban leit buh sha Mukhla. Ha kane ka kali la don tang utei hi u nongñiah. Une u nongñiah u la mynsaw bad la leit pynkit ia u mar mar sha Ummulong CHC ban ioh jingsumar.
La iathuh ba kham hadien ia katei ka Trok kaba don ia u registration number AS 01-MC 0527 la ioh ban bat da ki Pulit ha Thanat Ummulong.
