U Justice Bhushan Ramkrishna Gavai u la bam smai kum u Chief Justice ba 52 jong ka Ri India (CJI) mynta ka sngi ka 14 tarik Jymmang 2025 ha Rashtrapati Bhavan New Delhi, ha kaba u la long u Buddhist ba nyngkong eh ban ialam ia ka ïing Bishar ha ka Ri India.
Ka President jong ka Ri India ka Droupadi Murmu ka la pyntiansmai ia u Justice Bhushan Ramkrishna Gavai kum u Chief Justice ba thymmai hadien ka jingshongthait noh u Chief Justice u Sanjiv Khanna.
U Gavai u la ktah ia ki kjat jong ka kmie jong u hadien ba u la bam smai kum u Chief Justice jong ka Ri.
U Myntri Rangbahduh ka Ri u Narendra Modi, u Lamphang ka Lok Sabha u Om Birla, u myntri iada ri u Rajnath Singh, u myntri kam pohiing ka ri u Amit Shah, ki nongbishar ka Supreme Court bad High Court ki la iadonlang ha kane ka sngi.
