Ka jingpynkyntang Bishop ia u Fr Bernard Laloo ka la long kaba i shongkun ha kaba ki paid riewngeit Katholik na kylleng ka nongbah Shillong ki la wan ban sakhi ia kane ka jingpynkyntang Bishop ia u Phadar Bernard Laloo kaba lah long hynne ka sngi ka 30 tarik Lber 2025 ha madan Kalbari Catherdral Laitumkhrah Shillong.
La pynkyntang ia u Fr Bernard Laloo kum u Auxiliary Bishop jong ka Shillong Archdiocese da u Archbishop Victor Lyngdoh ha ka jingdon ryngkat lang u Archbishop Leopoldo Girelli uba dei u Apostolic Nuncio sha ka Ri India bad Nepal , ki Archbishop na kylleng ka Diocese na ka thaiñ shatei lam mihngi, u Myntri Rangbah Ka Jylla u Conrad K Sangma, U Deputy Chief Minister u Bah Prestone Tynsong, ki nongsharai Balang bad ki Paid Riewngeit Katholik na kylleng ki la wan sha kane ka jingpynkyntang Bishop ia u Fr Bernard Laloo.
La kha ia u Fr Bernard Laloo ha ka 16.6 1976 ha ka shnong Laitlyngkot, East Khasi Hills bad u dei u khun khatduh jong i Kong Aquila mai bad i Bah Pius Prel Shabong (Bam kwai ha duwar u Blei).
U la pyndep ia ka BA Honour Political Science ha u Snem 1999, Bachelor of Education ha u Snem 2007, MA Sociology ha u Snem 2009. Post Graduate Diploma in Counseling ha u Snem 2016.
Nalor ki jingpule u la long ruh u nongthaw jingrwai niam ba tbit, u nongthoh kot bad la pynmih ruh katto katne tylli ki phlim Khasi kum u synshar ka Jot bad Hato shano kan ialam.
La pynkyntang Lyngdoh Sohblei ia u ha ka 30 tarik u Iaiong 2006 ha Parish Laitlyngkot. Hadien ka jingpynkyntang Lyngdoh u la trei kum u Lyngdoh ha St Paul Parish Upper Shillong ha u Snem 2006 bad 2007. U la trei kum u Administrator ha Christ King College 2008. Kum u Principal ka Divine Saviour Higher Secondary School Laitumkhrah ha u Snem 2016. Kum u Director Social Service Centre Shillong naduh u Snem 2017 haduh 2021. Kum u board member jong ka Caritas India naduh u Snem 2021 haduh 2024. Kum u Parish Priest jong ka Cathedral Parish Laitumkhrah naduh u Snem 2022 haduh mynta bad u Chancellor ka Jylla niambah Shillong.
