U Lat ka jylla u C H Vijayashankar mynta ka sngi ka 8 tarik Risaw 2025 u la pyntian smai ia u Justice Soumen Sen kum u Chief Justice ba thymmai jong ka Meghalaya High Court kaba la long ha Raj Bhavan.
Ha kane ka jingialang, la donlang u Myntri Rangbah ka jylla, u Conrad K. Sangma, u Nongialam ka Liang Pyrshah, Dr. Mukul M. Sangma, ka DGP ka jylla bad kiwei kiwei kiba la shah khot sngewbha.
Ka jingthung ia u Justice Sen ka la long hadien ba u Chief Justice barim, u Indra Prasanna Mukerji, u la shongthait ha ka 5 tarik u Nailur 2025 . Ka President jong ka Ri, ka Droupadi Murmu, ka la mynjur ia ka jingthung ia u Justice Soumen Sen hadien ba ka Supreme Court ka la ai jingmut ha ka 11 tarik u Nailur.
Khyndiat shaphang u Justice Soumen Sen la kha ia u ha ka 27 tarik u Naitung, 1965 ha Kolkata. U la pule ha St. Lawrence High School bad u la ioh ia ka degree LLB na ka skulbah University of Calcutta ha u snem 1990, ha kaba u la ioh ia ka kyrdan ba nyngkong. U la rung kum u nongbishar (advocate) hapoh ka Bar Council of West Bengal ha u bnai Kyllalyngkot 1991 bad u la trei ha Calcutta High Court haduh ba u la kiew kyrdan kum u Justice ha ka 13 tarik u Iaiong, 2011.
u Justice Sen u la shimti pura naduh mynta ka sngi kum u Chief Justice jong ka Meghalaya High Court.
