![](https://i0.wp.com/yutipnews.com/wp-content/uploads/2024/07/IMG-20240709-WA0106.jpg?resize=640%2C360)
U Myntri Bording jong ka Jylla Meghalaya u Abu Taher Mondal u la iashim bynta lang ha ka jingialang jong ki myntri bording ka NER ka ba la pynlong mynta ka sngi ha nongbah Guwahati.
Ia ka jingialang la pyniaid da u Myntri bording ka sorkar pdeng u Manohar Lal Khattar, ha kane ka jingialang la iakren halor ki mat kiba iadei bad ka Jingpynmih bording, ka jingpyniaid bad jingsam ia ka Bording ha Meghalaya bad ka Thaiñ shatei lam mihngi.
Ki riew pawkhmat kiba la ia don bynta lang ki kynthup ia u Shashank Mishra, Joint Secretary, ka tnad sam, ka tnad bording (MoP), ka sorkar India, u Jameer Uddin Ansari, Deputy u Secretary ka tnad bording (MoP), u Sanjay Goyal, IAS, Commissioner bad Secretary, ka tnad bor ding, ka sorkar ka jylla Meghalaya, u Ghanshyam Prasad u Chairperson jong ka Centra Electricity Authority (MoP), u Vivek Kumar Devangan, u CMD jong ka Rural Electrification Corporation (REC) Ltd, u Rahul Dwivedi, ED, PMD, REC Limited, TSC Bosh, ED Admin REC Limited, Shashank U Mishra u delegate na ka PGCIL bad ka NHPC nalor kiwei.
Na ka liang jong u Mondal u la pynpaw ia ka jingdonkam kum ki Pumped Storage Project ha ka Jylla, ha kaba ula pan ka jingiarap na ka sorkar pdeng ban pynioh jingiarap pisa na ka bynta ban shna ia kitei ki PSP.
U la rah ruh ia ki mat kiba iadei bad ka Central Financial Assistance na ka bynta ka jingpynmih bording lyngba ki wah kiba rit (Small Hydro Power Projects) ha ka Jylla ia kaba la pynsangeh mynta da kane ka tnad jong ka sorkar pdeng. U myntri u la kyrpad ruh ia ka sorkar pdeng ba kan pyntreikam biang ia DPR ba la aiti da ka Meghalaya Power Distribution Corporation Limited (MePDCL) dang shen.
Baroh ki mat kiba la iakren ha ka kane ka jingialang la shim khia da kane ka kynhun ban leit rah sha ka sorkar pdeng ban leh ia kaba donkam.