Ka Hynniewtrep Integrated Territorial Organisation (HITO) hadien bala ioh iaka jubab lyngba ka aiñ wat jingtip ka Right to information act 2005 la lap ba ka Jaintia Hills Autonomous District Council kam shym la ai jingbit ban pyniaid ia katei ki khyrdop katkum ka RTI bala ioh na ka office u Chief Forest Officer JHADC Jowai.
Ka seng kala buh iakane jingujor hadein bala ioh shibun ki jingujor na ki paidbah ba kitei ki khyrdop kiba la pyndonkam haka kyrteng ka JHADC Forest Department kila shu shim tang ka Pisa naki kali kit marpoh khyndew bad kit markhlaw khlem da ai ia ki receipt kiba biang bad khlem ka jingsoi ki officer ka JHADC.
Naka liang ki nongialam ka seng kila pyrshang ban kylli ia ki nongtrei kiba don ha kitei ki khyrdop kila jubab da kaba ong ba kine khyrdop dei kiba la pyniaid da u wei u briew uba la tip kyrteng kum u Sevenborn Tang kum u nong shimwai jong kitei ki khyrdop hynrei khlem don pat ki kot ki sla ban pynshisha ba ka JHADC Forest Department kala ai jingbit ia u ban pyniaid bad sa kawei ruh kim shem la ioh NoC ne jingbit na ka Ministry of Road Transport and Highway ne ka National Highway Authority of India bad State PWD Department.
Dei halor kane ka nongrim ka seng kala shim ia kane ka sein jam ban ujor syndon daka ejahar pyrshah ia kitei ki artylli ki khyrdop kiba don ha East Jaintia Hills District ha ka office jong u Superintendent of Police Khliehriat, East Jaintia Hills District.
