Katkum ka khubor ba la ïoh lum na ki Pulit jong ka West Jaiñtia Hills District, la iathuh ba u ma P. Samaiang bad ka kong Ribiang Langstang ki la leit ban ujor da ka ejahar (FIR) ha Phramer Traffic Cell pyrshah ia u Roibiang Pakma, ia uba ki la suba jur ba u donkti ban ban pyniap ia ka para jong ki ka Rodit Langstang kaba 44 snem ka rta kaba shong ba sah ha shnong Pamanik, West Jaintia Hills District. Une u Roibiang u dei u lok jong katei ka lanot.
La ïathuh ruh ba ïa ka met ïap jong ka kong Rodit la lap ha ïing sah jong ka hi ha ka 01-06-2023, namar ba kiba ha ïing kim tip shaphang ki kyndon jong ka aiñ, ki la tep noh ïa ka met ïap jong ka, ha katei hi ka sngi da ka jingtharai ba kane ka met ka la neh bun sngi.
Katba mynta ka sngi pat ha ka jingïadei bad kane ka jingjia ki Pulit kila leit ban khlong biang ïa katei ka met ïap bad la Register ruh Case pyrshah ia u Roibiang Pakma.
