Ka Pnar Sudent Movement (PSM) mynta ka sngi ka leit buh syndon da ka FIR pyrshah ia u incharge Phramer Trafic Cell SI u bah A. Iawphniaw halor ka jingbym shimkhia jong u ha kaba iadei bad ka jingdonliang jong u bad ki nongshalan syiar bar jylla, kiba la ioh ban bat da ka seng ha ki khyndiat sngi.
Ka Pnar Student Movement ha ryngkat ka Poultry Farming Association ha ka 01/07/2025 ha dien ba ka la ioh jingtip ba ki don ki kali kit syiar ki ba wan na Nagoan, Assam ba mut ban wan shalan beaiñ sha ka jylla jong khlem don ki kot ki sla ki ba biang na duh ki Challan, ki GST bad ki Medical Certificate.
Na ka liang ka seng ha ryngkat ka Poultry Farming Association, West Jaintia ka la leit ban ap bad check ia kine ki kali ha 8 mer bad la lap ia artylli ki kali kiba don ia u Regn. No. AS02 EC 0250 bad AS02 EC 1715 kiba kit ia ki syiar na ka jylla Assam, bad ha dien ba lap ia kine ki kali na ka liang ka seng ka la bat ia ki bad la tohkit ia kine ki driver bad la lap ba ia kine ki syiar la kit na Nagoan, Assam bad ban wan shalan sha ka jylla Meghalaya khlem da don ia ki kot ki sla ki ba biang kum ka Challan GST bad ki Medical Certificate.
Hadien kane ka jinglap jong ka seng ka la aiti ia kine ki kali bad ki syiar ban leh ia ka ba donkam ha ryngkat ka FIR pyrshah ia ki ba donkti ba thmu ban shalan ia ki syiar khlem da don ki kot ki sla ki ba biang. Hynrei kaba pynlyngoh ia ka seng ka long ba na ka liang u incharge Phramer Traffic Cell u la ong ba un sa pyllait ia kitei ki kali kit syiar namar u la ioh ia ka order na ka ophis u Additional SP Jowai ba kine ki kali kit syiar ki don ia ki kot ki sla ki ba biang bad ruh u la ong ba u Additional SP u la dep ai ia kita ki kot ki sla naduh ki Chalan ki GST bad ki Medical Certificate ha ka Watsapp jong u. Hynrei ka seng ka la ong ia u ban pyni ia kine ki kot ki sla hynrei na ka liang jong u, u ong ba umlah ban ai namar ba u la ioh na u Additional SP Jowai bad u ong ba ngi lah ban shim na Court.
Ka seng ruh ka la ioh jingtip ruh ba une u incharge u la pyllait ia kine ki kali kit syiar khlem ki kyndon bad ruh khlem da register ia ka FIR ba la ai da ka seng ia kine ki kali. Kane ka jngleh jong u ne u police officer ka pynlynngoh ia ka seng halor jingpyllait ia kine ki kali khlem ki kyndon halor ka don ka FIR ba ai da ka seng ha kaba ia dei bad kane.
Dei halor kane ka nongrim na ka liang ka seng la leit ujor da ka ejahar pyrshah ia u ne u police officer halor ka jingdonkti jong u ban pyllait ia kine ki kali kit mar khlem da biang ia ki kot ki sla kiba biang bad namar ka jingbym lah jong u ban trei hok ia la ka jong ka kamram.
Kane ka long katkum ka kyrwoh ba la phah na u Publicity Secretary ka seng u H. Sayoo.
