Ujor ka DS Panaliar sha u DC ka WJH ba thmu pynlong iakop khwai ka JFEPA ha ki bynta ka shnong

Ka Dorbar Shnong Panaliar, Jowai ka la ujor sha u DC ka West Jaiñtia Hills District halor ka jingthmu ka Jaiñtia Fishing & Environmental Protection Association (JFEPA), ban pynlong ia ka Fishing Competition na ka daw ba dang don ka Case hapdeng ka JFEPA bad ka Shnong Panaliar.
Ha kane ka jingujor la kdew ba ka JFEPA ka la pynkheiñ ia ki kyndon jong ka shnong ha ki sngi kiba la dep bad halor kane na ka liang ka Dorbar Shnong Panaliar kala rai ban nym ai bor ban pynlong ia kane ka jingiakop khwai kaba la buh ban long ha kane ka 28.09.2024, ha ki jaka ba hap hapoh u pud u sam jong ka Shnong Panaliar.
Kum ban pynkynmaw ba ha u snem 2023, ka Shnong Panaliar ka la ai syndon da ka FIR pyrshah ia ka Jaiñtia Fishing & Environmental Protection Association, haduh ba u DC u la hap ban pynsangeh ban pynlong ia ka jingiakop ha ki jaka ba dang hap hapoh u pud u sam ka Shnong Panaliar.