Ka seng FKJGP-Khliehriat Circle hadien ba ka la ioh ka jingujor na ki paidbah ba ha ka 27/02/2025 halor ka jingeh ba kawei na ki nongpang ka iakynduh kumta ka seng ka la leit ban buh da ka jingujor ha u Medical Superintendent jong ka Civil Hospital ha kane ka 4 tarik mynta u bnai.
Katkum ka jingujop ba la ioh da ka FKJGP la iathuh ba ha ka por 7:30 PM eiei ka don kawei ka Case hapoh Civil Hospital Khliehriat ha kaba kawei ka longkmie ba wan shah sumar ha katei ka Hospital halor ka jingshitom bleeding Case bad ynda kala poi ha Emergency bad hadien ba ki doktor kila dep iarap kila phah sha kamra thiah kiba kha khun (Antenatal Ward), hynrei kaba sngewsih ban tip ba kila phah ngiat ia ka Wheel chair ka Nongpang da ki briew kiba ha iing.
Ka seng ka pynpaw ia ka jingsngewphylla ban tip ia kata bad ka buh jingkylli ba shaei jah ki nongtrei katei ka Hospital kiba la ioh da ka jingsiew ban trei ia ka kam bad ym juh sngew ba ki hospital ki phah ngiat iaki bedding lane ka Wheel chair ki Nongpang khantam ki ba dang dep kha khunlung bad ki bleeding Case.
Kaba ar pat ha ba kynriah ia katei ka Nongpang na Khliehriat Civil Hospital sha MCH Jowai, u driver uba kit ia katei ka Nongpang ula pynher sted bha ia ka kali Alto 800 haduh ba ka Nongpang kala ud shitom, ha ka jingshisha ki driver kidei ban tip kum kino kita ki jait case kiba lah ban pynher sted ia ka kali bad kum kino ki jait case bym dei ban pynher sted iaka kali. Ka seng ka ong ba lada kum kine ki driver ki don ka buh jingma pynban ia ki Nongpang.
Shuh shuh ka seng ka pynpaw ka jingsngew lyngngoh ban tip ba ha kamra toilet ki nongthiahpang ba armet wat tang u bulb light ruh ymdon, sngewsih ban tip ba ka hospital kam don pisa ban thied wat tang i bulb light iba rit.
Ka FKJGP Khliehriat ka ong ba kine ki jing ujor kam mut ban kdew kti ia ki jingduna ka Hospital bad ban kdew kti iano iano, hynrei ban pynbha ia ki jingduna ba ka Hospital ka don namar ba kum ka seng bad ki Paidbah kim kwah ban don shuh kum kita ki jingjia nangne shakhmat.
Ia kane ka shiti ujor la soi da u Michal Chyrmang President bad Justme Sana General Secretary ka FKJGP-Khliehriat Circle.