Ka seng FKJGP-Khliehriat Circle mynta ka sngi ryngkat ka jingsynran lang u Organising Secretary ka FKJGP-East Jaiñtia u bah Andiwor Pala, ka seng kala leit ban buh ka jingujor sha u Deputy Commissioner ka East Jaiñtia halor ka jingslem ki Paidbah ban ioh iaka Compensation haba shah lyngshop ha ki bor ka Mariang, haba iakren bad u DC u la kular hakhmat ka seng ban pynioh compensation kloi ia kiba shah ktah haki bor ka Mariang bad kaba kham sngewtynnad u DC u la btah ia ka Tnad Relief Fund ban leh ia kaba donkam.
Dang ha kine ki khyndiat bnai bala dep ruh haka 3/06/2024 haka por ba don ka Remal Cyclones kawei ka Longkmie haka Shnong Ladrymbai Dongwah kala ujor sha ka seng halor ka jingshah rat ka ïing jong ka kong K. Chyrmang haka Lyer Remal Cyclones namarba katei ka longkmie kam tip ban leit pan jingiarap naki bor badei peit kumta kala pyntip sha ka Seng bad na ka liang jong ka seng ruh mar mar kala pyntip sha u BDO ka Wapung C&RD Wapung Block bad sha u District Disasters management Officer bad kitei ki Officers kila ai jingmut ban buh FIR ha Thanad halor katei ka jingjia bad katei ka Longkmie ruh kala pyndep kumba kila bthah hadien bala dep ioh iaka Report na Thanad Ladrymbai la ai sha u BDO ban leh ia kaba donkam bad nakaliang ki briew ka Tnad Relief Fund ruh kila dep pan ia ki kot ki sla ba donkam hynrei sngew phylla pat wat hadien kumba ar bnai bala dep pynbiang iaka jingkwah jong ka Tnad ba dei peit ruh katei ka Longkmie haduh mynta kam pat ioh iaka Compensation.
Naka liang jong ka seng kan ym shong kli kti ban iai buddien ia kino kino ki jingeh u paidbah ka thaiñ, ka seng ka kwah ban buh ka jingkylli ba lada ki Paidbah ki shah pyndik ban ioh iaka Compensation kumno pat ki Paidbah kin shaniah ia kine ki Tnad ba dei peit, kane ka jingleh jong kitei ki Tnad ka pynduh jingkyrmen ia u paidbah ban wad jingiarap bad la iohi ba kumba kine hi ki Tnad ki kwah ia kata ban pynkyllaiñ ia u paidbah haba wad jingiarap khnang ba u paidbah un sngew bunkam bad un klet ia katei ka jingkwah jingiarap.
Ki Paidbah ki juh ud ruh da kaba ong lada ioh ia ka bai lutsan ruh ym iahap bad ka jingjulor hynrei kane ka kam ka pynbun kam shuh shuh khamtam ia kito kiba jngai shnong bad ka seng ka juh iohi ba bun hi ki tnad Sorkar ki juh phah kyllaiñ bha iaki Paidbah kiba wan pan jingiarap dei na kine ki daw bunsien hi ki Paidbah kim juh shaniah iaka jingiarap naka Sorkar bad ka seng ka kwah ban buh jing kylli ka ei ka jingeh ka Tnad Disaster bad ka Tnad Relief Fund ban pynioh bai lutsan iaki Lanot namarba ka Pisa kala don lypa bad ladep Sanction lypa kumba 19 crore naka bynta ki lanot haka por ba don u Remal Cyclones bad la iohi ruh katkum ki jingpynbna ia katei ka pisa na u Minister ba dei peit ia katei ka bynta u Ma Kyrmen Shylla, pynkut ka kyrwoh na u Organising Secretary ka FKJGP-Khliehriat Circle u bah Kyrmen Tlang.
