Mynta ka sngi ki nongialam jong ka FKJGP, Khliehriat Circle kila leit ban buh da ka jingujor ha khmat u Deputy Commissioner jong ka East Jaiñtia, halor ka jingkit palat pud jong ki trok kit mawshun, kiba pynbiang mawshun ia ki company dewbilat.
Katkum ka jingujor jong ka FKJGP la ong ba kine ki trok kit mawshun jong kine ki company kiba iaid lynti Lyngda u surok bah NH-6 ki kit ia u mawshun palat ia ka 9 ton kaba long pyrshang ia ka aiñ. Kane ka jingkit palat put jong ki trok ka long kawei ma ki daw bala pynsniew ia u surok bah. Ka seng ka ong ruh ba haba sniew u surok ka wanrah jingeh ia ki paidbah, namar ka shimpor da ki bun bun bnai ia ka sorkar ban maramot ia u.
Ha ka jingiakren jong ka seng bad u Deputy Commissioner ka East Jaintia na ka liang jong u, u la kular hakhmat ki nongialam ka Seng ban shimkhia ban phah ia ki Magistrate ban leh iakaba donkam.
Khadduh naka liang jong ka Seng ka pynpaw ba lada ka office u DC kam leh ei ei naka liang jong ka Seng kan bat hi bad leit aiti sha ki bor ka ain ia kitei ki trok (Lime Stone overloaded Dumper) na ka bynta ka bha ka miat ki paidbah ba leit ba wan lyngba u NH-6, pynkut ka kyrwoh na u Information Secretary ka FKJGP East Jaintia u bah Michal Chyrmang bad u GS ka FKJGP-Khliehriat Circle u bah Full moon Nongtdu.