Ka Hynniewtrep integrated territorial Organisation (HITO) Laskein Block Circle bad ka Thangraiñ Unit hapoh ka jingialam u samla Khiejoit Niang bad u Nidathrang Sariang mynta ka sngi ki la leit ban ai dorkhas ha ka office treikam jong u Sub-Divisional Officer, Khliehtyrshi Division halor ka jinglip bording electric kaba la 3 (lai) taiew ha duh mynta.
Kane ka jinglip bording kala ktah ia ka shnong Thangrain, ka shnong Iongkwang bad ka shnong Shiliangmyntang, kumjuh ruh ia ki shnong ba marjan jong kane ka thaiñ.
Ha kane ka jingiakynduh jong ka seng HITO na ka liang u SDO kane ka tnad u la kular ban shimkhia ia kane ka jingshem shitom jong ki nongshong shnong kitei ki thaiñ.