Ujor ka HITO sha ki bor ka aiñ ba kyllem ka jingkieng iaidkjat ha Shangpung Moolichah

Ha ka jingiadei bad ka jingjia jong ka jingkhyllem ne hap noh jong kawei ka  jingkieng iaid kjat kaba dang shu shna thymmai dang ha kine ki khyndiat sngi da ka tnad jong ka Soil and Water Conservation, kaba la shna ha ka wah Moolishah, kaba hap hapoh ka shnong Khliehmuchut Shangpung, West Jaintia Hills District,  kala khyllem kynsan kynsan. Kane ka jingjia kala jia ha hynin ka sngi 09.04.2023 ha ka por kumba 1:15 mynsngi.
Halor kane ka jingjia na ka liang ka Hynniewtrep Integrated Teritorial Organisation (HITO) Shangpung Area kala leit ban ujor da ka FIR ha Raliang Police Out Post, West Jaiñtia Hills District. Katkum ka FIR ba la ai da u President bad General Secretary ka HITO Shangpung Area ha thanat Raliang, la ong ba katei ka jingkieng ka la khyllem ha ka por kumba 1:15 PM ha ka 9 tarik Ïaïong 2023. La ong ruh ba kane ka jingkhyllem ka dei namar ka daw jong ka jingleh sting ka tnat kaba pyntrei ïa kane ka jingkieng ka Soil and water conservation jong ka sorkar jylla.
Ka HITO ka la kyntu ia ki pulit ba kin tohkit halor katei ka jingjia bad ban pynsaja katkum ki kyndon jong ka Prevention of Corruption Act 1988 namar katei ka jingkhyllem ka lah ban long na ka daw jong ka jingbym pyntrei hok ka tnat Soil and water conservation katkum ka Mang tyngka ba la mang ia katei ka jingkieng.