Mynta ka sngi ka 10/08/2023 ka Jaiñtia National Council (JNC) hapoh ka jingialam u bah Training Phawa Finance Secy JNC-CEC ryngkat ki dkhot bad nongialam ka seng kala leit ban ujor ha u DMHO ka EJHD ha office treikam jong u ha ka ba iadei bad ka jinglip light ha ka Tuber Sub-Centre la kumba 3, 4 bnai.
Halor kane ka seng kala leit ban iakynduh bad u DMHO bad buh ruh ka jingkylli ba balei kat ia ka jaka ai jingsumar ym lah ban pynbiang bording. Ka seng kala kyntu ruh ia ka office u DMHO ba dei ban pynbiang lut ia ki jingdonkam jong ki jaka ai jingsumar khamtam sha ki thaiñ ba jngai na sor khnang ba ki paidbah kin ym duh jingkyrmen ha kum kine ki por ba lyngshop ka mariang.
Naka liang jong u DMHO Dr. Shylla u la kular hakhmat ka seng ban shimkhia ia kane ka kam bad ban phah ruh mar mar ia ki ba dei ban peit khamtam ka light na ka bynta ka bha ka miat bad ka shngaiñ jong ki paidbah.
Shuh shuh ka seng ka pynpaw ba katkum ka jingtip jong ka ba ka daw ba shah pynduh bording kane ka jaka sumar ka dei ba ki khlem siew ia ka Bill jong ka MeECL.
