Ka samla Avila Kathrene P Lyngdoh na ka North Liberty Higher Secondary School (NLHSS), Jowai kala wan ha ka kyrdan kaba nyngkong eh 1st Position ha ka Result jong ka Secondary School Living Certificate’ (HSSLC) Examination, 2025 ba la pynbna mynta ka sngi 5 tarik da ka Meghalaya Board of School Education (MBOSE), wat la ki iadon ar ngut kiba poi lang ha kane ka juh ka kyrdan kata ka Leisa Agarwal kaba na ka skul St. Margret HSS Shillong.
Napdeng katei ka samla ki don sa ar ngut ki samla pule jong katei hi ka skul kiba la ïoh rung ha ka kyrdan Top-20, baroh lai ngut ki kynthup ïa ka Avila Kathrene P Lyngdoh kaba la wan 1st Position da kaba ïoh Distinction ha baroh ki subject (English, Additional English, Mathematics, Science & Technology, Social Science, Health & Physical Education) ka jingïoh Mark total baroh ka long 582. Nangta u Rahnam Miki Dkhar haka kyrdan 8th Position bad ïoh Distinction haka subject: English, Khasi, Mathematics, Science & Technology, Social Science, Health & Physical Education ka total marks ka long 567 bad u Hamelamsuk Hadem haka kyrdan ba 17th Position da kaba ïoh Distinction ha ka subject: English, Khasi, Mathematics, Science & Technology, Social Science, Health & Physical Education ka total mark 558.
Kiwei de ki skul ha Jowai kiba la ïoh rung Top 20 ki long ka samla Eulogemene Rilin L Suting na K.J.P. Synod Mihngi Higher Secondary School, Jowai kaba la ïoh ha ka kyrdan 3rd Position da kaba ïoh Distinction ha English, Khasi, Mathematics, Science & Technology, Social Science, Health & Physical Education bad ka total mark ka long 576.
Katba ka samla Phidalen Malang na ka St. Mary Mazzarello Girls’ Higher Secondary School, Jowai kala wan ha ka kyrdan 8th Position da kaba ïoh Distinction ha ka subject English, Khasi, Mathematics, Science & Technology, Social Science, Information Technology kaba la ïoh mark 567.
Halor kane ka jingjop jong ki khynnah skul ka NLHSS Jowai na ka liang u Principal jong katei ka skul u bah Richard B. Uriah ula ïathuh kum u nongpynïaid jong ka skul, nyngkong eh u ai ka jingïaroh bad jingsngewnguh ïa u Blei, ula ong ruh katba nang mih ki snem ka skul ka la nang ïaid bad nang kiew shakhmat ha baroh ki liang. U pynpaw ka jingsngewkmen ha une u bnai ban wan ka skul kan sdang ban rakhe ïa ka jingdap 25 snem bad kala long ka jingkmen kaba khraw eh ba ka skul kala wan haka kyrdan ba nyngkong eh mynta u snem.
Ha ka juh ka por u ai mynsiem kumjuh ïa baroh ki khynnah jong ka skul ba kin nangïaitrei shitom ha ka jingpule jong ki, ha ryngkat ka jingkymmaw ïa u Blei khnang ba kin nang lah ban kynjoh sha ka thong jong ka jingjop.
U bah Richard ula ong ka skul ka don ïa ka thong ban kyntiew lang ïa ka kam ïalehkai sports bad ka pule puthi ha ka juh ka por, kumta kala pdiang sngewbha ïa ki 20 ngut ki khynnah pule kiba don ïa ka sap ïalehkai sports na kine 19 kiba pass ïa kane ka exam SSLC.
Shuh shuh ula ïathuh baroh kiba ïakhun ïa kane ka Exam ki don 122 ngut, 99 ngut kiba la poi 1st Division bad 22 ngut haka 2nd Division baroh kiba pass ki don 121 ngut.
