Mynta ka sngi u Myntri ka tnad PHE u bah Renikton Tongkhar ula wan ban buh mawnongrim ia ki skhim sam umbam kaba la tip kum ka Mynsngat-Nongsutnga Water Supply Scheme bad ka Moolyngkdeiñ Water Supply Scheme ha ka jingiadon ryngkat u ma Sniawbhalang Dhar uba dei u MLA ka thaiñ uba dei ruh u Myntri sorkar, u ma Dasakhiat Lamare Myntri ka Transpor, ma Wailadmiki Shylla MLA Jowai, u CEM ka JHADC ma T. Shiwat, ki MDC bad ki sahep jong ka PHE.
Ka Mynsngat-Nongsutnga WSS ka shongdor T.5,35,10,000/- , katba ka Moolynkdein WSS ka shongdor T. 11,41,00,000/- bad kine ki skhim ki dei kiba la wanrah da u MLA ka thain u Sniawbhalang Dhar lyngba ka skhim Jal Jeevan Mission (JJM).
Kumjuh ruh ha kane ka sngi la ioh ban buh mawnongrim ban pynbha ia u surok jong ki 7 shnong ka thaiñ Mynsngat uba jrong 40.532 km na ka skhim CRF- 2021-2022 bad ruh ka jingbuh mawnongrim ia ka jingshna ia ka Iawmushai jong ka JHADC kaba don ha ka shnong Mynsngat da u ma Sniawbhalang Dhar.
La pynphuh pynphieng ia kane ka sngi da ki jingrwai na ki khun ka shnong Mynsngat, ha ka ryngkat ka jingiadonlng ki khynnah skul bad kiwei de ki nongshong shnong ba marjan ka thaiñ Mynsngat.
