U Governor ka Meghalaya bad Arunachal Pradesh u Brig. (Dr.) B D Mishra (Retd) ula wan ban iadon bynta lang ha ka jingsam prais jong ka Half Marathon kaba la pynlong da ka Assam Rifles kaba dei shi bynta na ka jingrakhe ia ka “AzadikaAmritMahotsav” mynta ka sngi ha Headquarter jong ka Directorate General Assam Rifles, Laitkor, Shillong.
Kane ka jingiamareh Half Marathon ka lng ruh shibynta na ka Fit India Movement ha kaba la ailad ia ki shynrang bad khyntei ha ki rta bapher bapher bad ka phang pdeng hi ka long ban wanrah ia ka mynsiem jingiatylli bad jingshakri hok ia ka ri.
Ha kane ka jingiamareh la wan ban iashim bynta da kiba ha ïing hasem jong ki shipai Assam Rifles, ki Army, Air Force, CRPF, CISF, SSB, BSF bad ki Meghalaya Police.
Ia ka jingiamareh la bynta ha ki lai bynta kata ha ka 21 Kms ha kaba la iashim bynta 303 ngut, ha ka 10 Kms la iashim bynta 512 ngut bad ha ka 5 Kms la iashim bynta 224 ngut.
Ki nongjop ha ka jingmareh ba 21 Kms ki kynthup ia u Emphius Nongrum bad ka Darisha Langjuh ha ka rta ba 21 haduh 30 snem. U Suvisje bad Lt Col Shreya Rawat ha ka rta ba 31 haduh 40 snem. U Comdt Pramod Kumar bad ka Aarti Yadav ha ka rta ba 41 haduh 50 snem. U Col Eben Simeon bad ka Beena Venkatesh ha ka rta kaba palat 50 snem. U Lt Gen PC Nair, AVSM, YSM, PhD, DG Assam Rifles ruh ula iashim bynta ha ka kyrdan jong ki nongiamareh kiba 50 snem ha ka jingjngai ba 21 Kms bad ula ioh ruh ia ka khusnam.
