U Myntri jong ka sorkar Pdeng ba dei peit ia ka State Minority Affairs u John Barla mynta ka sngi ula wan ban iashim bynta lang ha ka jingialang kaba la pynlong ha nongbah Shillong mynta ka sngi na ka bynta ban pyntreikam ia ka skhim Pradhan Mantri Jan Vikas Karyakram (PMJVK) ha Meghalya.
Ia ka jingialang la pyniaid da u Commissioner and Secretary ka Social Welfare Department u Pravin Bakshi. Ia kane ka jingialang la pynlong ha Committee Room 4 jong ka Main Secretariat, Shillong.
Kane ka skhim PMJVK ka dei ban pynioh ia ki lad jingiarap ba khambha ha ka ioh ka kot na ka bynta ki jaid bynriew rit paid kiba don hapoh ka ri India, kiba kynthup ruh ia ka pule puthi, ka jingkoit jingkhia bad ki jingkyntiew ia ki rukom trei bapher bapher.
