U Union Minister of State, Ministry of External Affairs and Education, u Rajkumar Rajan Singh mynta ka sngi ula wan poi sha East Jaintia Hills District na ka bynta ka jingwan jngoh ba ar sngi jong u ia kane ka District. Ia u la synrang lang da u D.K. Singh, u A. Baranwal, IAS, Deputy Commissioner, East Jaintia Hills District, Khliehriat, u bah S.S. Syiemlieh, MCS, Addl. DC bad kiwei de ki sahep sorkar.
Mynta ka sngi u Singh ula ioh ban leit jngoh ia ka Health and Wellness Centre kaba don ha shnong Dkhiah West. Ula iakren bad wat jingtip halor ka jingbiang ka rukom sumar hakane ka Centre, naduh ka jingdon jong ki dawai dashin, ki jngsumar ia ki ba shitom, ka jingdon jong ki dawai tika Covid, ka jingpyntreikam ia ka Ayushman Bharat, E-SHRAM, ka jingdon ka umdih kaba biang hapoh ka shnong ka thaw.
U Myntri ula ioh ruh ban iakren bad ki nongiohbynta ha ka PM-Kissan, Pradhan Mantri Awas Yojana (PMAY), Jal Jeevan Mission (JJM), Pradhan Mantri Ujjwala Yojana(PMUY), Ujala Led bulb Scheme bad kiwei kiwei de ki skhim jong ka sorkar pdeng.
Ula leit ruh ban khmih ia ki jaka die rashon (Fair Price Shop) ba don ha shnong Byndihati. Hangne na ka liang ki nongdie rashon kila pyntip ha u Myntrei ba ki don kumba 135 ngut ki nongioh rashon hapoh ka skhim “Pradhan Mantri Gareeb Kalyan Anna Yojana”, kumjuh ruh kila pyni ha u ia ka rukom pyndonkam ia ka E-Pos machine kaba pyndonkam haba sam ia ki mar rashon. Ula leit ruh ban khmih ia ka Anganwadi Centre kaba don ha shnong Tuber ha kaba u Myntri ula iohlad ban iakren bad ki nongtrei jong katei ka Centre bad ruh ia ki nongiohbynta jong ka skhim Poshan Abhiyan bad jurip ruh halor ki jingmyntoi kiba la pynioh sha ki khynnah ha katei ka Centre.
Hadien kane u Myntri ula leit ban khmih ia ka Turmeric Processing Unit hapoh ka Mission Lakadong kaba don ha shnong Shangpung West Jaintia Hills District.