U Myntri Rangbah duh jong ka Jylla Meghalaya u Conrad Kongal Sangma ha shwa ban pynlong ia ka Chief Minister Connect and your voice matters jong ka Block level Community interaction programme ha Shangpung Moosyiem,hynne ka sngi 8/8/2024,u la wan jngoh ia ka Shangpung College bad pynlong ia ka jingialang kaba lyngkot bad ki Nongpyniaid bad Nonghikai jong kane ka College, ha kaba ki la ai ha u ia ka Memorandum na ka bynta ki jingdonkam jong ka College.
Ha ka Memorandum ki la kdew ia ka jingdonkam jong ka College kum ka Campus and Building infrastructure, University Affiliation, NAAC Accreditation, College Library, Justification for Availing Sanctioned Posts, Proposal for infrastructure Grant for Construction of Class-rooms bad kiwei de ki jingdonkam jong ka College.
Na ka liang u Myntri Rangbah nalor ki mat kiba la kdew ha ka Memorandum, u la shah skhor ruh ia kiwei kiwei de ki jingdonkam ka College ha ka jingiakren bad u Dr. D.G. Lyngdoh uba long ruh u Secretary Governning Body Shangpung College, Shangpung.
Ha kane ka jingwan jngoh u Myntri Rangbah Conrad K. Sangma u la ioh ia ka jingpdiang burom da ki Samla pule bad na ki Nonghikai jong kane ka College.
Ha kane ka sngi la iadonlang ruh u ma Comingone Ymbon u Minister uba dei ruh u MLA ka thaiñ, nalor kiwei de ki heh sorkar ba kynthup ia u DC bah B.S. Sohliya, IAS, u SP ma C. Syrti bad kiwei de.
