U Secretary Cum Commissioner Education ka Sorkar Meghalaya u Vijay Kumar Mantri u la wan jngoh ia ki Nonghikai skul Adhoc hapoh ka lama ka Federation of All School Teachers Of Meghalaya (FASTOM) mynta ka sngi 29.09.2029 ha ka jaka shong kyllaiñ myngngor (Sit-in-Demonstration) ha Madan Malki, Shillong.
Ha kane ka jingwan jngoh jong utei u sahep sorkar u la kular ban khmih bniah bha ia ki jingdawa ka FASTOM bad ban wanrah ia ki sha ka jingtip jong ka sorkar Jylla, ba kan iatai ia kine ki mat jingdawa jong ki Nonghikai Adhoc.
Kum ka jingpynkynmaw, kane ka jingiakhih ki Nonghikai skul Adhoc ka la sdang naduh ka 22.09.2025 bad mynta ka sngi, ka dei ka sngi kaba phra bad kin dang iai bteng beit ka jingiakhih tad haduh ba ka sorkar kan peit lem ia ki jingdawa jong ki kata, ban kyntiew deficit noh ia baroh ki skul Adhoc kiba don ha ka jylla Maghalaya.
Kane ka long katkum ka jingpyllait khubor na u ma E.G War, Publicity Secretary FASTOM.
