Ka jingwan jngoh ba ar sngi jong u Union Minister ba dei peit ia ka tnad Fisheries, Animal Husbandry & Dairying u Parshottam Rupala ula ioh ban khot ia ka jingialang (Review Meeting) halor ka jingpyntreikam ia ki skhim jong ka sorkar pdeng ha shnong Ampati ha South West Garo Hills, Meghalaya ha ka 9 tarik mynta u bnai bad ha ka sngi ba bud jong ka 10 tarai pat ula iohlad ban leit jngoh ia kiba bun ki shnong kyndong kiba don ha shilynter jong ka thaiñ khappud bad ka ri Bangladesh.
Ha kane ka jingialang u Minister ula ban jur halor ka jingpyntrei ia ki skhim sorkar kmie bala pyntrei da ka tnad Animal Husbandry & Veterinary, ka tnad Fisheries bad ka Border Areas Development hapoh ka District South West Garo Hills. Ula ong ruh ba wat hapdeng ki jingeh ki tnad sorkar ki dei ban pyntrei hok ia ki skhim sorkar. Ula ong ba kane ka District ka don ka jingiadei pud (International Border) bad ka ri Bangladesh kumba 38 Kms.
U ne u Myntri ula ong ba ka jingwan jngoh ba ar sngi jong u sha kane ka District ka long ban lum jingtip halor ka jingeh jong ki nongrep bad ki tnad ba dei peit ia ki. Ula ong ruh ba ka jingaiti ia ka kali (Mobile Van) kan long shi bynta ban iarap ia ki nongkyndong kiba ym pat don ia ki jaka sumar ia ki jingri jong ki.
Kham ha shwa u Myntri ula leit jngoh ruh ia ka Ganol Plant kaba dei ka Dairy Plant ba dang pynshna thymmai kaba don hajan Tura kaba dang pynkhreh shait ban pynmih dud haduh 10,000 litar shi sngi, ka bynta kaba rim jong kane ka projek ka lah ban pynmih 8000 lital shisngi. Ha kane ka juh ka sngi u Rupala ula iaid kylleng ki bynta jong ka District bad iohlad ban iakren bad ia syllok bad ki SHG, ki nongrep bad ki Village Organization. Ula buh thong ruh ban leit jngoh ia ki shnong kyndong kiba don ha shilynter ki bynta khappud.
