Ka kynhun jong ka Meghalaya Assembly Committee on Women Empowerment mynta ka sngi ba ar ka la hiar ha Jowai ban lum jingtip ha kaba ïadei ba ka rukom treikam jong ki tnad sorkar kiba ïadei bad ka jingbha jingmiat jong ki kynthei kiba hapoh ka West Jaiñtia Hills District District.
Ïa kane ka jingïalang la pynlong ha ophis Conference jong ka Soil and Water Conservation, Mihmyntdu ba la pynïaid da ka MLA jong ka Sutnga Saipung ka kong Santa Mary Shylla, kiwei de ki dkhot jong kane ka Committee ki kynthup ïa ka Las Miani D Shira, bah Adelbert Nongrum bad u bah Mathew Beyondstar Kurbah.
Kane ka kynhun kala ïoh lad ban ïa phylliew jingmut sani halor kumno ka rukom treikam jong ki skim sorkar bapher bapher kiba ïadei na ka bynta ki longkmie bad ki kynthei khynnah lyngba ki tnad sorkar kiba don hapoh ka District.
Kiba bun na ki prokram ba la dep pynlong da ki tnad sorkar la wad jingtip bad la jurip bniah ïa ki shi bynta ban pynkup bor shuh shuh ïa ki longkmie bad ki kynthei khynnah naka bynta ka jingmyntoi kaba ki dei ban ïoh hadien habud.
Kiwei de ki heh sorkar kiba la wan ban ïadonlang ha kane ka sngi ki kynthup ïa u Deputy Commissioner ka West Jaiñtia Hills u bah B. S Sohliya, IAS, Superintendent of Police, WJHD ma C. Syrti, MPS nalor kiwei de ki hep sorkar.
