Hadien ka jingujor bad pynsangeh trei ka KSU bad ki nongialam shnong ia u surok NJB (NARTIANG JONGLWIT BARATO) halor ka jingbym pyntrei bha ki contractor ia une u surok, mynta ka sngi (17/3/22) ka kynhun jong ki Engineer na ka tnad PWD kila wan ban jurip ia ka jinglong jingman jong ka jingpyntrei ia utei u surok, ha ka jingiadon ryngkat bad ki nongialam jong ka seng.
Ia kane ka kynhun jong ki Engineer ba kynthup naduh u EE, u SDO bad ki JE la ialam da u Executive Engineer ka PWD North u ma M. Nongpluh. Na ka liang jong u EE hadien ka jingjurip kaba bniah ula sngewdei ban bthah ia ki contractor kiba pyntrei ia une u surok ba kin pyntrei biang katkum ka jingbthah jong ka sorkar lyngba ka work order kaba kila ioh.
Kumta na ka liang ka KSU ka sngew ban ai khublei ia u tei u EE ka PWD uba la shim khia ia kane ka kam bad kumjuh ruh ia kiwei pat ki sahep jong u kiba la iadon lang ha kane ka sngi.
Kane ka long katkum ka khubor ba la phah da u Ladmiki Myrchiang, uba dei u Publicity Secretary ka seng.
