Ka Meghalaya State Olympic Association ryngkat ka Department of Sport and Youth Affairs ha ka jingiatreilang bad ka Edge 10 Group kila pynlong ia ka prokram ban wan ia ka sap jong ki khynnah ha ka liang jong ka sport ia kaba la tip kum ka State Talent Identification 2022 na ka bynta ki khynnah jong ka West Jaiñtia Hills District mynta ka sngi.
Ia kane ka prokram la pynlong ha Kiang Nangbah Indoor Stadium, Ladthalaboh, Jowai ha kaba la wan ban peitthuh da u Ian Camblee u ba dei u Austalian Olympian bad u Alistar Tail uba dei u International Global Coach.
Ha kane ka sngi kila don haduh 281 ngut ki khynnah na ki 10 tylli ki skul hapoh ka West Jaintia Hills District kiba kynthup ia ki shynrang bad ki kynthei kila wan ban iashim bynta.
Ki jait jingialehkai kiba la peitthuh mynta ka sngi ki kynthup ia ka 20 M Sprint, ka 10 M ladder run, ka Compass Drill bad ka Vertical Jump.
Na ka liang jong u Ian Cambell ula pynpaw ka jingsngewnguh shi katdei eh ia u Working President jong ka Meghalaya State Olympic ka jylla u bah John F. Kharshiing bad ruh ia u District Sport Officer ka West Jaintia Hills ma K. Passah kiba la shimkhia ban pynlong ia kane ka prokram kaba jop bad u ai khublei kitbok ruh ia baroh ki khynnah skul kiba la wan ban iashim bynta ha kane ka lympung.
