Ka jingpang covid ka la wan phai biang ha ka Ri America bad ka la khyrwit nyngkong ia u briew ba 81 snem ka rta bad u long u briew ba pawnam ha pyrthei kata u Joe Biden President jong ka United State of America.
Ha ka jingialang ba u dei ban ai jingkren ha Unidos, US Las Vegas Nevada ha ka jingbym poi jong u Biden ka Janet Murguia, CEO jong ka Unidos US, ka la ieng hi ban kren ha kata ka jingialang bad ka da pyntip ba u Joe Biden un ym don satia ha ka jingialang namar ba u ioh ia ka jingpang covid.
Ka la pyntip ba ka la iakren bad u Joe Biden lyngba ka phone bad u kren diaw shibun eh ba um lah ban don ha kane ka jingialang na ka daw ka jing wan kynsan ka jingpang covid ha ka met jong u, ong ka Murguia.
Ka jingkynthoh jong u Elon Musk bad ki heh spah jong ka America ban thied da ka dor ia kane ka elekshon u Joe Biden u la ong ngan shong kyrpang shwa ialade bad ngan iai shakri ia ki paidlang ka Ri America katba nga dang bat ia ka shuki President.
Kumban shu pynkynmaw ka khlam covid ka la saphriang ha u snem 2019 ha u bnai December napoh ka shnong Wuhan, China bad kumta ter-ter kala saphriang sha kylleng ki Ri ka pyrthei kynthup ia ka India.